Bakı. Trend:
Honkonq – Dehli reysi ilə uçan “Air İndia” aviaşirkətinə məxsus
“Airbus A321” sərnişin təyyarəsi İndira Qandi adına beynəlxalq hava
limanına eniş etdikdən sonra yanmağa başlayıb.
Trend xəbər verir
ki, bu barədə “South China Morning Post” (SCMP) məlumat yayıb.
Nəşrin məlumatına görə, enişdən sonra sərnişinlərın göyərtəni
tərk etdiyi əsnada yardımçı güc qurğusu alovlanıb və avtomatik
olaraq sönüb.
Məlumatda qeyd olunur ki, sərnişinlər və ekipaj üzvləri uğurlu
və təhlükəsiz şəkildə təxliyə olunublar.
Təyyarə yüngül dərəcəli zədə alıb və insidentin araşdırması tam
başa çatana qədər istismardan çıxarılıb.
