UEFA Avropa Liqasının II təsnifat mərhələsinin ilk oyununda “Beşiktaş” öz meydanında Arda Turanın baş məşqçisi olduğu “Şaxtyor Donetsk”i qəbul edib.
Apasport.az xəbər verir ki, “ağ-qaralar” cavab görüşü öncəsi doğma azarkeşləri qarşısında üstünlük əldə etməyə çalışıblar. Lakin Ukrayna təmsilçisi buna imkan verməyib.
6 qolun vurulduğu qarşılaşmada “Şaxtyor Donetsk” İstanbul klubunu 4:2 hesabı ilə məğlub edib. “Beşiktaş”ın heyətində ilk qolu 40-cı dəqiqədə yeni transfer Tammi Abraham penalti zərbəsindən vurub. Komandanın ikinci qoluna isə Joao Mario imza atıb.
Qeyd edək ki, cavab oyunu iyulun 31-də Polşanın Krakov şəhərində yerləşən “Reymana” stadionunda keçiriləcək.
UEFA Avropa Liqası
II təsnifat mərhələsi
Saat 21:00, “Ostrava” – “Legiya” 2:2
Saat 21:00, “Şeriff Tiraspol” – “Utrex” 1:3
Saat 21:30, “Levski Sofia” – “Braqa” 0:0
Saat 21:30, “Midtyulland” – “Hibernian” 1:1
Saat 22:00, “Anderlext” – “Heken” 1:0
Saat 22:00, “Beşiktaş” – “Şaxtyor Donetsk” 2:4
Saat 22:00, “Selye” – “AEK Larnaka” 1:1
Saat 22:30: “Luqano” – “CFR Kluj” 0:0
