Bakı. Trend:
Bir neçə ölkədə Starlink peyk interneti istifadəçiləri kütləvi
nasazlıqlardan şikayətləniblər.
Trend-in “Downdetector” xidmətinə istinadən verdiyi məlumata görə,
şikayətlərin 60%-i internetin işləməməsi, 40%-i isə əlaqənin
tamamilə kəsilməsi ilə bağlıdır.
Xüsusilə ABŞ-da təxminən 63.000 istifadəçi Starlink-də
fasilələrin baş verdiyini bildirib. Kanadada bu rəqəm 13 mini,
Almaniyada isə 11 mini keçib.
Həmçinin Böyük Britaniya, Avstraliya, Meksika, Argentina, Çili
və Braziliya kimi ölkələrdə də genişmiqyaslı fasilələr qeydə
alınıb.
