Bakı. Trend:
Bosniya və Herseqovinanın Prozor-Rama bələdiyyəsində böyük
miqyaslı meşə yanğını baş verib.
Trend-in
məlumatına görə, alovların Kolivret, Podbor və Ploçe bölgələrində
yerləşən yaşayış məntəqələrinə doğru irəlilədiyi bildirilir.
Regionun Mülki Müdafiə Qərargahının nümayəndəsi Pero Pavloviç
yanğının çox ciddi xarakter daşıdığını və beynəlxalq yardımın
istənildiyini açıqlayıb.
Hazırda güclü külək yanğının söndürülməsini çətinləşdirir, bu
isə təhlükənin daha geniş əraziyə yayılmasına səbəb ola bilər.
Hadisə ilə bağlı əlavə məlumatlar yaxın saatlarda
gözlənilir.
