Bakı. Trend:
Energetika naziri Pərviz Şahbazov İsmayıllı rayon Heydər Əliyev
Mərkəzində vətəndaşları qəbul edib.
Trend xəbər
verir ki, qəbulda vətəndaşların elektrik enerjisi və təbii qaz
təchizatı, şəbəkəyə qoşulma, sayğaclaşdırma, gərginlik xətlərinin
istismar vəziyyəti, elektrik verilişi xətlərinin mühafizə zonası,
transformatorların yenilənməsi, qazlaşdırma, qaz təchizatı üzrə
yaranmış borc və cərimələr, məşğulluq imkanları ilə bağlı dəstək,
habelə sosial və inzibati xarakterli digər məsələlərə dair
müraciətləri dinlənilib.
Qaldırılan məsələlərin mövcud normativ-hüquqi aktlara uyğun
şəkildə araşdırılması və operativ həlli məqsədilə müvafiq
tapşırıqlar verilib.
Nazirliyin aidiyyəti struktur bölmə rəhbərlərinin iştirakı ilə
keçirilmiş qəbulda İsmayıllı, Şəki, Oğuz, Qəbələ, Qax və
Mingəçevirdən olan 23 vətəndaş iştirak edib.
