Bakı. Trend:
Avstraliyanın Makkuari adasının sahillərində 6,2 bal gücündə
zəlzələ qeydə alınıb.
Trend xəbər verir
ki, bu barədə Avropa-Aralıq dənizi Seysmoloji Mərkəzi məlumat
yayıb.
Zəlzələnin episentri Yeni Zelandiyanın təxminən 144 000 nəfər
əhalisi olan Dunedin şəhərindən 1578 kilometr cənub-qərbdə
yerləşib. Yeraltı təkanların ocağı 10 kilometr dərinlikdə olub.
Hadisə nəticəsində dağıntı və tələfat barədə məlumat verilməyib.
Həmçinin sunami təhlükəsi elan olunmayıb.
