Bakı. Trend:
Türkiyənin Bursa vilayətində baş verən iri meşə yanğınları
əhalinin yaşadığı ərazilərə qədər yayılıb.
Trend-in verdiyi
xəbərə görə, ölkənin Kənd Təsərrüfatı və Meşəçilik Nazirliyi
bildirir ki, alovun qarşısını almaq üçün yanğınsöndürənlər bütün
gecəni fasiləsiz çalışacaqlar.
Yanğınlar artıq Türkiyənin şimal-qərb bölgəsində yerləşən beş
vilayəti – Eskişehir, Balıkesir, İzmir, Afyonkarahisar və Manisa
vilayətlərini əhatə edib.
Bəzi yerlərdə güclü küləklər yanğının sürətlə yayılmasına səbəb
olub və təxliyə tədbirləri həyata keçirilib.
Qeyd edək ki, bundan əvvəl sosial şəbəkələrdə yanğının Rusiyanın
Türkiyədə inşa etdiyi “Akkuyu” Atom Elektrik Stansiyası ətrafına
yayıldığı barədə iddialar yer almışdı. Lakin bu məlumat hələlik
rəsmi şəkildə təsdiqlənməyib.
Yanğınla mübarizə məqsədilə havadan və qurudan genişmiqyaslı
əməliyyatlar davam etdirilir. Rəsmi qurumlar vətəndaşları
təhlükəsizlik tədbirlərinə riayət etməyə və təxliyə təlimatlarına
əməl etməyə çağırır.
