Bakı. Trend:
ABŞ prezidentinin xüsusi elçisi Stiven Uitkoff cümə günü
humanitar yardımın çatdırılmasını müzakirə etmək üçün Qəzza
zolağına səfər edəcək.
Trend-in
məlumatına görə, bu barədə Ağ Evin mətbuat katibi Kerolayn Livitt
deyib.
“Sabah xüsusi elçi Uitkoff və [ABŞ-ın İsraildəki səfiri Mayk]
Hakabi mövcud paylama məntəqələrini yoxlamaq və daha çox ərzaq
çatdırmaq üçün plan hazırlamaq, həmçinin yerli sakinlərlə görüşmək
üçün Qəzzaya gedəcəklər”, – deyə o brifinq zamanı bildirib.
K.Livitt qeyd edib ki, Fələstin anklavına səfərdən sonra Uitkoff
və Hakabi “bölgədə ərzaq və yardım paylanması üzrə yekun planı
təsdiqləmək” üçün dərhal Amerika lideri Donald Trampı
məlumatlandıracaqlar.
