Bakı.Trend:
Aqrar Sığorta Fondu müxtəlif hadisələr səbəbindən zərərlə
üzləşmiş fermer və təsərrüfatlara 2025-ci ilin yanvar-iyun
aylarında (ilk yarım il) 4 milyon 435 min manat sığorta ödənişi
həyata keçirib.
Bu barədə Trend-in sorğusuna cavab olaraq Aqrar Sığorta
Fondundan məlumat verilib.
Bildirilib ki, bu, 2024-cü ilin eyni dövrü ilə müqayisədə 1
milyon 571 min manat və ya 55% artıqdır.
Qeyd edilib ki, sığorta ödənişinin 4 milyon 245 min manatı
bitkiçilik məhsulları üzrə (əkin sahələrinə), 190 min manatı isə
heyvandarlıq təsərrüfatlarına edilib.
Sığorta ödənişlərinin verilməsi ilə nəticələnən əsas sığorta
hadisələri bitkiçilikdə dolu, fırtına, qasırğa, sel-subasma
halları, heyvandarlıqda yoluxucu xəstəliklər və zəhərlənmə
hallarıdır.
