Yaponiya sakinləri 80 il əvvəl Xirosimaya atom bombası atılması qurbanlarının xatirəsini bir dəqiqəlik sükutla yad ediblər.
“Report”un yerli KİV-ə istinadən verdiyi məlumata görə, faciənin ildönümü ilə bağlı əsas mərasim Xirosimanın mərkəzindəki Sülh Memorial Parkında keçirilib.
Ənənəvi olaraq zəngin çalınması ilə qeyd olunan sükut dəqiqəsi yerli vaxtla saat 08:15-də (Bakı vaxtı ilə 03:15) – 1945-ci il avqustun 6-da bombanın partladığı an elan edilib. Bundan sonra Xirosimanın meri Kadzumi Matsui dünyanı nüvə silahından imtina etməyə çağıran bəyannamə oxuyacaq. Daha sonra Baş nazir Şiqeru İsiba çıxış edəcək.
