Bakı. Trend:
ABŞ-nin elektrik avtomobil istehsalçısı “Tesla” şirkəti “Dojo”
superkompüteri üzərində çalışan komandanı ləğv edib.
Trend-in
“Bloomberg”ə istinadən verdiyi xəbərə görə, layihənin rəhbəri Piter
Bannon şirkətdən ayrılır.
Mənbələrin məlumatına görə, komandanın ən azı 20 üzvü işdən
çıxarılıb, digər əməkdaşlar isə “Tesla”nın digər layihələrinə
yönləndirilib.
Bundan sonra şirkət süni intellekt və hesablama gücü ilə bağlı
ehtiyaclarını əsasən texnoloji tərəfdaşlar — ABŞ-nin “Nvidia” və
“Advanced Micro Devices” (AMD), eləcə də Cənubi Koreyanın “Samsung
Electronics” şirkətləri vasitəsilə təmin edəcək.
