Bakı. Trend:
Türkiyənin Qaziantep vilayətində uzun müddət davam edən ədavət
silahlı atışmaya səbəb olub.
Trend-in
məlumatına görə, hadisə Şahinbəy rayonu, Günəş məhəlləsində baş
verib. İddialara görə, iki qrup arasında mübahisə başlayıb və qısa
zamanda dava silahlı atışmaya çevrilib.
Xilasedicilər 9 yaralıya ilkin tibbi yardım göstərərək, onları
müxtəlif xəstəxanalara çatdırıblar. Yaralılardan üçünün
vəziyyətinin ağır olduğu bildirilir.
Polis hadisə ilə bağlı genişmiqyaslı araşdırmalara başlayıb və
çox sayda şəxsi saxlayıb.
