Bakı. Trend:
ABŞ prezidenti Donald Tramp ən qısa zamanda Rusiya və Ukraynanın
iştirakı ilə üçtərəfli sammit təşkil etmək niyyətində olduğunu
açıqlayıb.
Trend-in
məlumatına görə, bu barədə ABŞ prezidenti Vaşinqtonda Con Kennedi
adına İcraçı İncəsənət Mərkəzində çıxışı zamanı deyib.
ABŞ prezidenti qeyd edib ki, əgər ilk təmas uğurlu olarsa, hər
iki tərəf onun iştirakına razılıq verməsi şərti ilə Rusiya və
Ukrayna prezidentlərinin və özünün də iştirak edəcəyi ikinci
görüşün tezliklə keçirilməsinə ümid edir.
