Bakı. Trend:
ABŞ Prezidenti Donald Tramp, Volodimir Zelenski və Avropa
liderləri ilə Kiyev üçün mümkün təhlükəsizlik təminatları barədə
aparılan müzakirələr zamanı ABŞ qoşunlarının Ukrayna ərazisinə
yerləşdirilməsi məsələsini gündəmə gətirməyib.
Trend xəbər verir ki, “NBC
News” bu barədə mənbələrə istinadən xəbər yayıb.
Mənbələrin bildirdiyinə görə, söhbət mahiyyətcə NATO
öhdəliklərinə bənzər təminatlardan gedir.
Telefon danışıqları zamanı Rusiya ilə mümkün razılaşmanın tərkib
hissəsi olaraq Avropa və ABŞ-ın təhlükəsizlik zəmanətləri müzakirə
olunub.
Qeyd edək ki, bundan əvvəl Trampın Avropa müttəfiqləri ilə NATO
prinsipləri əsasında Ukrayna üçün təhlükəsizlik təminatlarını
müzakirə etdiyi bildirilmişdi.
