Bakı. Trend:
ABŞ administrasiyası Ukrayna ərazisində münaqişə başa çatdıqdan
sonra öz qoşunlarını bu əraziyə yerləşdirməyəcək.
Trend-in
məlumatına görə, bu barədə ABŞ vitse-prezidenti Cey Di Vens “CBC”
telekanalına müsahibəsində bildirib.
“Prezident Tramp bunu açıq şəkildə izah edib: Biz Ukraynaya
qoşun göndərməyəcəyik. Lakin biz ukraynalıların hərbi
əməliyyatların dayandırılmasına razılıq verməyə imkan verəcək
təhlükəsizlik zəmanətlərini almasını təmin etmək üçün çox
çalışmaqda davam edəcəyik”, – deyə o qeyd edib.
Bundan əlavə, Vens bu şərtlərin Rusiya Federasiyası üçün də
məqbul olmasının vacibliyini qeyd etdi.
