Bakı. Trend:
Almaniyada 8 minə yaxın alman əsgərinin iştirakı ilə NATO-nun
“Quadriga 2025” hərbi təlimlərinin mərhələlərindən biri
başlayıb.
Trend xəbər verir
ki, bu barədə “Norddeutscher Rundfunk” (NDR) teleradio şirkəti
məlumat yayıb.
Məlumata görə, ssenariyə əsasən, “Frankfurt am Main” təchizat
gəmisində ümumilikdə 30 yaralıya tibbi yardım göstəriləcək.
Təlimlər Rostokdakı Universitet Xəstəxanası və Südstadt Rayon
Xəstəxanasının iştirakı ilə həyata keçirilir. Manevrlərə NATO-nun
Rostokdakı Dəniz Komandanlığı Qərargahı rəhbərlik edir.
Təlimin əsas elementlərindən biri gəminin göyərtəsində əməliyyat
otaqları və xəstələr üçün yerlərlə təchiz olunmuş səyyar
xəstəxananın fəaliyyəti olub.
Növbəti mərhələlərdə avtomobil və dəmir yolu ilə yüklərin
daşınması, infrastrukturun mühafizəsi, həmçinin ABŞ aviasiyası ilə
qarşılıqlı əlaqə nəzərdə tutulur.
