Bakı. Trend:
Fövqəladə Hallar Nazirliyinin “112” qaynar telefon xəttinə
Ağstafa rayonu, Dağ Kəsəmənli, Ağköynək və Yuxarı Göycəli kəndləri
istiqamətində mürəkkəb relyefli dağlıq ərazidə yanğın baş verməsi
barədə məlumat daxil olub.
Trend xəbər verir
ki, bu barədə FHN məlumat yayıb.
Məlumatla əlaqədar dərhal əraziyə FHN-in Dövlət Yanğından
Mühafizə Xidmətinin qüvvələri cəlb olunub.
Yanğınsöndürənlərin çevik müdaxiləsi sayəsində Yuxarı Göycəli
kəndi istiqamətində baş vermiş yanğın genişlənməsinə, o cümlədən
daha böyük əraziyə yayılmasına imkan verilmədən qısa müddətdə
məhdudlaşdırılıb.
Hazırda digər istiqamətlərdə yanğınların söndürülməsi əməliyyatı
davam edir.
Əlavə məlumat veriləcək.
