Bakı. Trend:
“Qarabağ” Portuqaliyanın “Portimonense” klubunda çıxış edən
Kamilo Duranı heyətinə cəlb edib.
Trend xəbər verir
ki, 23 yaşlı kolumbiyalı futbolçu ilə 3 illik müqavilə
imzalanıb.
Həm hücumda, həm də yarımmüdafiənin hər iki cinahında çıxış edə
bilən cənubi amerikalı “Qarabağ”da 17 nömrəli forma ilə meydana
çıxacaq.
Duran futbol karyerasına Kolumbiyada “İndependente Medelyin”də
başlayıb, daha sonra Braziliyanın “Flamenqo” klubunun gənclər
komandasında çıxış edib. Ardınca Portuqaliyaya transfer olunan
hücumçu “Eştrela”nın U-23 komandasında, “Lusitaniya” və
“Portimonense”də forma geyinib. O, həmçinin Kolumbiyanın U-20
yığmasının üzvü olub.
Qeyd edək ki, “Qarabağ” bundan əvvəl Dani Bolt, Pedro Bikalyo,
Kris Kuaku, Sami Mmae və Joni Montielini transfer edib.
