Əfqanıstanda sərnişin avtobusunun aşması nəticəsində ən azı 25 nəfər həlak olub.
“Report” “Al Arabiya”ya istinadən xəbər verir ki, bu barədə yerli hakimiyyətin nümayəndəsi bildirib.
Məlumata görə, hadisə səhər saatlarında Kabilin Arqandi rayonunda baş verib.
Daxili İşlər Nazirliyinin nümayəndəsi Əbdül Matin Kaninin sözlərinə görə, 27 nəfərin xəsarət aldığı qəzaya sürücünün yol verdiyi ehtiyatsızlıq səbəb olub.
