Bakı. Trend:
Bu ilin noyabr ayında Bakıda nüfuzlu B2B platforması “China
Visitor Summit” (Çin Ziyarətçi Sammiti) keçiriləcək.
Trend xəbər
verir ki, bu sözləri Azərbaycan Turizm Bürosunun Baş icraçı
direktoru Florian Zenqstşmid “China Ready” proqramının təqdimatı
mərasimində çıxış edərkən deyib.
O bildirib ki, bu platforma artıq on ildən çoxdur ki, çinli
alıcıları beynəlxalq turizm istiqamətləri ilə birləşdirir:
“Bu tədbir ilk dəfə Azərbaycanda keçiriləcək. Tədbirdə 50-dən
çox aparıcı Çin tur operatorunun iştirakı gözlənilir, onlar
seminarlar, B2B görüşlər və ölkənin regionlarına tanıtım turlarında
iştirak edəcəklər”.
“Bu gün sizinlə birlikdə burada olmaq və Azərbaycan ilə Çin Xalq
Respublikası arasındakı əlaqələrin gücləndirilməsini davam etdirmək
mənim üçün böyük məmnuniyyətdir. Bizim əlaqələrimiz yalnız
çoxəsrlik mədəni və ticarət ənənələrinə əsaslanmır, həm də turizmin
gələcəyi ilə bağlı ümumi vizyona söykənir.
Çin bu gün dünyanın ən böyük çıxış turizm bazarıdır və
Azərbaycanın bu bazardakı payı tədricən artır. Gələcək inkişaf üçün
potensial böyükdür. Artıq qeyd edildiyi kimi, sadələşdirilmiş viza
rejimi bu artımı dəstəkləyən əsas amildir və Azərbaycanı Çin
turistləri üçün üstün seçim kimi təqdim etməyə unikal imkan
yaradır”, – deyə o bildirib.
Zenqstşmidin sözlərinə görə, bunun üçün yalnız ölkəni aktiv
şəkildə tanıtmaq deyil, həm də turizm infrastrukturunun Çin
qonaqlarını qəbul etməyə tam hazır olmasını təmin etmək
vacibdir:
“Bəzi hotellərdə mərkəzi dilini bilən personal işə götürülüb,
ölkə üzrə “UnionPay” ödəniş terminalları tətbiq olunur və Bakıda
getdikcə daha çox Çin restoranı açılır. Bu gün biz “China Ready”
proqramını işə salırıq ki, bu da sənayeni Çin turistləri üçün
sistemli və ardıcıl hazırlamağa imkan verəcək. Proqram çərçivəsində
biliklərin və bazar məlumatlarının müntəzəm paylaşımı uzunmüddətli
uğuru təmin edəcək”.
“Paralel olaraq turizm sahəsinin kompleks auditi başlanılıb, bu
audit əsas elementləri əhatə edir – hava limanlarından və
otellərdən tutmuş xidmətlərə və atraksiyonlara qədər.
2018-ci ildən fəaliyyət göstərən Azərbaycan Turizm Şurası Çinlə
partnyor şəbəkəsini aktiv şəkildə qurur. Bu il səylərimiz nüfuzlu “Global Annual Excellence Award” mükafatı ilə beynəlxalq ən böyük
onlayn turizm xidmətləri qrupundan qiymətləndirilib”, – deyə
direktor fikrini tamamlayıb.
