Trans-Anadolu Təbii Qaz Boru Kəməri (TANAP) vasitəsilə Avropaya tədarük olunan təbii qazın həcmi 50 milyard kubmetrə çatıb.
Bu barədə “APA-Economics” SOCAR-ın Türkiyədəki törəmə şirkəti olan “SOCAR Türkiye”nin məlumatına istinadən xəbər verir.
“Azərbaycandan Avropaya uzanan enerji körpüsündə tarixi mərhələ! TANAP vasitəsilə Avropaya nəql olunan təbii qazın həcmi 50 milyard kubmetrə çatıb”, – məlumatda qeyd olunur.
Xatırladaq ki, TANAP kəməri Cənubi Qaz Dəhlizinin (CQD) mərkəzi elementidir. Bu kəmər vasitəsilə Azərbaycan qazının bir hissəsi Türkiyəyə, digər hissəsi isə Avropaya nəql edilmək üçün (Trans-Adriatik boru kəməri (TAP) vasitəsilə) Türkiyə ilə Yunanıstanın sərhədinədək çatdırılır.
Qeyd edək ki, 2020-ci il dekabrın 31-dən Trans-Adriatik boru kəməri (TAP) vasitəsilə Avropaya Azərbaycan qazının nəqlinə başlanılıb.
