Bakı. Trend:
Bu gün Misli Premyer Liqasında III turun oyunlarına start
veriləcək.
Trend xəbər verir ki, günün ilk qarşılaşmasında turnir
cədvəlində lider olan “Sumqayıt” doğma meydanda “Şamaxı”nı qəbul
edəcək. Görüş saat 18:30-da start götürəcək.
Daha sonra “Neftçi” öz meydanında “Turan” Tovuz ilə üz-üzə
gələcək. Bu oyun isə saat 20:30-da başlayacaq.
Qeyd edək ki, Premyer Liqanın III turuna avqustun 31-də yekun
vurulacaq.
18:30. “Sumqayıt” – “Şamaxı”
20:30. “Neftçi” – “Turan” Tovuz
