ABŞ Prezidenti Donald Trampın administrasiyası xarici yardımları əlavə 5 milyard dollar azaltmağı planlaşdırır.
APA xəbər verir ki, bu barədə “New York Post” qəzeti məlumat yayıb.
Məlumata görə, Amerika büdcəsinə qaytarılacaq 5 milyard dolların 3,2 milyard dolları ABŞ-ın Beynəlxalq İnkişaf Agentliyi (USAID) üçün nəzərdə tutulmuşdu, qalan hissəsi isə Dövlət Departamentinin digər fondlarına ayrılmışdı.
Qeyd edək ki, Tramp administrasiyası ABŞ-ın xarici siyasətinin həyata keçirilməsi və digər ölkələrə təsir vasitəsi kimi istifadə olunan USAID-in fəaliyyətini məhdudlaşdırıb.
USAID-in müvəqqəti rəhbəri təyin olunan ABŞ dövlət katibi Marko Rubio bildirib ki, hökumət yoxlamalardan sonra bu qurumun proqramlarının 83 faizini dayandırıb.
