Bakı. Trend:
Bu il avqustun 1-nə Azərbaycanda vaxtı keçmiş kreditlərin
məbləği 529,4 milyon manat təşkil edib.
Bu barədə Trend Azərbaycan Mərkəzi Bankına (AMB) istinadən xəbər
verir.
Məlumata görə, bu, cari ilin iyulun 1-i ilə müqayisədə 2 milyon
manat və ya 0,4% çoxdur.
Ölkədə problemli kreditlərin məbləği ilin əvvəlinə nisbətən 80,3
milyon manat və ya 17,9%, son 1 ildə isə 75,7 milyon manat və ya
16,7% artıb.
İyulun sonuna vaxtı keçmiş kreditlərin ümumi kredit portfelində
xüsusi çəkisi 1,7% təşkil edib.
