İtaliyanın “Milan” klubu İngiltərə “Çelsi”si və Fransa millisinin futbolçusu Kristofer Nkunkunu transfer edib.
Metbuat.az xəbər verir ki, bu barədə “rossoneri”lərin rəsmi saytı məlumat yayıb.
27 yaşlı hücumçu ilə 5 illik müqavilə imzalanıb.
“Milan” Nkunkunun keçidi üçün qarşı tərəfə 35 milyon avro ödəyib.
Qeyd edək ki, Kristofer Nkunku 2023-cü ilin yayından “Çelsi”nin şərəfini qoruyurdu. O, London təmsilçisi ilə bütün turnirlərdə 62 oyun keçirib, 18 qol vurub və 5 məhsuldar ötürmə edib.
“Çelsi” “Qarabağ”ın UEFA Çempionlar Liqasının əsas mərhələsindəki rəqiblərindən biridir.
You must enable Javascript on your browser for the site to work optimally and display sections completely.
