Bakı. Trend:
Sentyabrın 2-nə keçən gecə ötən günlərdə baş verən Günəş
partlayışı zamanı atılan plazma buludunun planetimizə çatacağı
gözlənilir.
Trend xəbər verir
ki, bu barədə Rusiya Elmlər Akademiyasının Kosmik Tədqiqatlar
İnstitutunun Günəş Astronomiyası Laboratoriyası məlumat yayıb.
Proqnozlara görə, plazma buludu Yerdə güclü geomaqnit
qasırğasına səbəb olacaq. Mütəxəssislər bildirirlər ki, bu
geomaqnit fırtınası güclü təsnif edilsə də, insanlar və texnoloji
sistemlər üçün təhlükə yaratmır.
