Bakı. Trend:
Avropa Komissiyası Kalininqrad istiqamətində hərəkət edən Rusiya
qatarlarının izlənilməsi məqsədilə Litvaya əlavə maliyyə vəsaitləri
ayırmaq niyyətindədir.
Trend xəbər verir
ki, bu barədə Avropa Komissiyasının rəhbəri Ursula fon der Lyayen
keçirdiyi mətbuat konfransında danışıb.
“Avropa Komissiyası Litvanın daimi təzyiqə tab gətirməsi üçün
artıq çox iş görüb və maliyyələşdirməni artırmaqda davam edir”, –
deyə fon der Lyayen bəyan edib.
Avropa Komissiyası Litvaya buna qədər 327 milyon avro
ayırmışdı.
