Bakı. Trend:
Avqust ayı ərzində Kliniki Tibbi Mərkəzin Toksikologiya şöbəsinə
zəhərlənmə səbəbi ilə 94 nəfər qəbul edilib.
Bu barədə Kliniki Tibbi Mərkəzin mətbuat katibi Ruzbeh Məmməd
Trend-in sorğusuna cavab olaraq bildirib.
“Şöbəyə qəbul edilən xəstələrdən 30 nəfər dərmandan, 37-si sirkə
turşusundan, 5-i həlledici məhluldan zəhərlənən şəxslərdir.
Həmçinin 13 nəfər ilan sancması, 7 nəfər allergik reaksiya, 2
nəfər botulizm zəhərlənməsi səbəbilə şöbəyə yerləşdirilib.
Həkimlərin səylərinə baxmayaraq, zəhərlənən şəxslərdən 4-ü (2
nəfər qadın cinsli, 2 nəfər kişi cinsli) dünyasını dəyişib.
Ölüm halları sirkə turşusu zəhərlənmələrindən qeydə alınıb”, –
məlumatda deyilir.
