Böyük Britaniyanın Daxili İşlər Nazirliyi viza müddəti bitdikdən sonra ölkədə qalmağa davam edən xarici tələbələri deportasiya edəcək.
APA xəbər verir ki, bu haqda məlumatı daxili işlər naziri Yvette Kuper verib.
O bildirib ki, bəzi xarici tələbələr ölkələrindəki şərtlər dəyişməməsinə baxmayaraq, sığınacaq üçün müraciət edib.
“Əsl qaçqınlara lazımi dəstəyi verəcəyik. Lakin vəziyyət dəyişməyibsə, tələbələr təhsillərinin sonunda sığınacaq üçün müraciət etməməlidirlər”, – o bildirib.
Məlumata görə, Daxili İşlər Nazirliyi 10.000 xarici tələbəyə vizalarının bitmək üzrə olduğu barədə mesaj göndərib.
