Bakı. Trend:
ABŞ-nin dünya miqyasında imicinin zəifləməsi səbəbindən
istehlakçılar Amerikan brendlərinə daha az meyl göstərirlər.
Trend-in
məlumatına görə, bunu “McDonald’s”ın baş direktoru Kris Kempçinski
CNBC telekanalına müsahibəsində bildirib.
Kempçinski vurğulayıb ki, “Amerikanın ətrafındakı aura bir az da
zəifləyib”. O əlavə edib ki, şirkət istehlakçıların McDonald’s və
ümumilikdə ABŞ brendlərinə münasibətini yaxından izləyir.
Baş direktor qeyd edib ki, “McDonald’s” restoranlarına münasibət
ümumilikdə əvvəlki kimi qalır və bu, xaricdəki fəaliyyət təcrübəsi
ilə əlaqədar ola bilər.
