Beynəlxalq Valyuta Fondunun missiyası Ukraynaya səfər edib.
APA xəbər verir ki, bu barədə Ukrayna üzrə Fondun icraçı direktorunun müavini Vladislav Raşkova istinadən RBK-Ukrayna məlumat verib.
“BVF komandası ilə birlikdə gecə saatlarında Kiyevə gəldik, səhəri isə bir qədər sığınacaqda keçirdik. İşə hazırıq. Bir çox görüşlər planlaşdırılıb”, – deyə Raşkov bildirib.
Onun sözlərinə görə, missiya Ukraynada 7–8 gün fəaliyyət göstərəcək.
Qeyd olunur ki, bu dəfəki BVF missiyası Ukraynaya yeni kredit tranşının ayrılması ilə bağlıdır.
