ABŞ Prezidenti Donald Trampın müşavirləri Avropa İttifaqının rəsmiləri ilə Rusiya nefti və qazına qarşı mümkün sanksiyaları təcili qaydada müzakirə edəcəklər.
APA “The Guardian” nəşrinə istinadən xəbər verir ki, bu barədə Finlandiya Prezidenti Aleksandr Stubb bildirib.
“Trampın yanaşması ondan ibarətdir ki, Avropa və ABŞ sanksiyalar məsələsində birlikdə hərəkət etməli və Rusiyanın hərbi maşınını iqtisadi vasitələrlə dayandırmağın yollarını axtarmalıdır”, – Finlandiya lideri qeyd edib.
