Bakı. Trend:
Rəsmi Tehran və Vaşinqton nüvə proqramı ilə bağlı böhranın həlli
məsələsində vasitəçilər üzərindən mesaj mübadiləsini davam
etdirir.
Trend-in “Tasnim”ə
istinadən xəbərinə görə, bunu İranın Xarici İşlər Nazirliyinin
rəhbəri Abbas Əraqçi bildirib.
Əraqçi qeyd edib ki, ABŞ qarşılıqlı hörmət əsasında danışıqlara
hazır olduğu gün İran da buna hazır olacaq:
“Hüquqlarımıza və maraqlarımıza hörmət edilməlidir.”
Nazirin sözlərinə görə, Tehran əvvəlki şərtlərlə danışıqlar
masasına qayıtmayacaq, mövcud vəziyyəti nəzərə alaraq yeni çərçivə
üzərində razılaşmaq lazım gələcək.
O həmçinin vurğulayıb ki, Avropa ölkələri ilə də BMT
Təhlükəsizlik Şurasının anti-İran sanksiyalarının bərpası təşəbbüsü
ilə bağlı danışıqlar aparılır:
“Böyük Britaniya, Almaniya və Fransa böyük səhv edərək ‘snapback’
mexanizminə müraciət etdilər. Bu, vəziyyəti daha da
mürəkkəbləşdirdi. Danışıqlar davam edir və ümid edirəm ki,
qarşılıqlı anlaşmaya nail olacağıq.”
