Bakı. Trend:
İşğaldan azad olunmuş ərazilərdə yaşıl enerji zonalarının
yaradılması hökumət üçün yüksək prioritetdir.
Trend xəbər
verir ki, bu sözləri Beynəlxalq Münasibətlərin Təhlili Mərkəzinin
(BMTM) şöbə müdiri Şahmar Hacıyev AQEM Beyin Mərkəzləri Forumunun
13-cü toplantısı zamanı çıxış edərkən deyib.
O bildirib ki, müharibədən sonra Azərbaycan Ermənistanın
işğalından azad etdiyi torpaqlarda nəqliyyat sisteminin
yaxşılaşdırılmasına, “ağıllı kəndlərin” və “ağıllı şəhərlər”in
dəstəklənməsinə diqqət yetirir.
“Ümid edirəm ki, bu sənədlər bizə gələcəkdə enerji səmərəli
tətbiqlərin potensialını daha geniş araşdırmağa imkan verəcək”, –
deyə o əlavə edib.
