Bakı. Trend:
Azərbaycan Respublikasının Xarici İşlər Nazirliyi Qətərin
paytaxtı Doha şəhərinə edilən hücuma münasibətini açıqlayıb.
Trend xəbər verir
ki, bu barədə Xarici İşlər Nazirliyi “X” hesabında paylaşım
edib.
Paylaşımda deyilir:
“Biz regional gərginliyi daha da artırmaq riski ilə Qətərə qarşı
bugünkü hücumdan dərin narahatlıq hissi keçiririk. Biz Qətərin
suverenliyini və ərazi bütövlüyünü dəstəkləyirik və regionda
sabitliyi qorumaq üçün diplomatik səylərə üstünlük verməyə
çağırırıq.”
