Naxçıvanda avtomobil aşıb, 2 nəfər xəsarət alıb
APA-nın yerli bürosu xəbər verir ki, hadisə Naxçıvan-Ordubad magistralının Babək rayonu Nehrəm qəsəbəsi ərazisində baş verib.
75-CB-211 dövlət nömrə nişanlı “KIA” markalı avtomobil yoldan çıxaraq aşıb.
Qəza zamanı sürücü, 1998-ci il təvəllüdlü Qələndərov Azər Asəf oğlu və sərnişin, 2003-cü il təvəllüdlü Əliyeva Sevinc Hüseyn qızı xəsarət alıb.
Onlar Naxçıvan Muxtar Respublika Xəstəxanasına yerləşdiriblər.
Hadisə yerinə polis əməkdaşları cəlb olunub, faktla bağlı araşdırma aparılır.
