Samuxda yol-nəqliyyat hadisəsi baş verib.
APA-nın yerli bürosunun məlumatına hadisə rayon ərazisindən qeydə alınıb.
Belə ki, hərəkətdə olan minik avtomobilinin sürücüsü idarəetməni itirib və nəticədə avtomobil yolun kənarına aşıb.
Qəza nəticəsində 4 nəfər xəsarət alaraq xəstəxanaya yerləşdirilib. Xəsarət alanlar sürücü 2005-ci il təvəllüdlü K. Qurbanzadə, sərnişinlər 2003-cü il təvəllüdlü M. Bağırov, 2007-ci il təvəllüdlü E. Hüseynzadə və 2004-cü il təvəllüdlü E. Hüseynovdur.
Hadisə yerinə polis əməkdaşları cəlb edilib.
Faktla bağlı araşdırma aparılır.
