Formula 1 üzrə Azərbaycan Qran-Prisi ABŞ-də bu mərhələnin televiziya yayımları tarixində ən populyar yarış olub.
Metbuat.az xəbər verir ki, bu barədə Bakı Şəhər Halqası Əməliyyat Şirkəti məlumat yayıb.
Bildirilib ki, Formula-1-in yayım hüquqlarına uzunmüddətli sahib olan ABŞ telekanalı ESPN rekord tamaşaçı marağı qeydə alıb.
Bazar günü keçirilən əsas yarışın canlı yayımı demək olar ki, 1,1 milyon tamaşaçı toplayıb. Bu, Azərbaycan Qran-Prisi Amerika televiziya tarixində ən yüksək göstəricisidir.
Qeyd edək ki, 2024-cü ildə bu rəqəm 865 min idi.
Xatırladaq ki, Formula 1 üzrə Azərbaycan Qran-Prisi 19 – 21 sentyabr tarixlərində baş tutub.
You must enable Javascript on your browser for the site to work optimally and display sections completely.
