Bakı. Trend:
Şərqi Zəngəzur Gömrük İdarəsinin təşəbbüsü ilə Xankəndi
şəhərində “Business Tex JV” MMC-də biznes nümayəndələri ilə görüş
keçirilib.
Bu barədə Trend-ə Dövlət Gömrük Komitəsindən məlumat
verilib.
Bildiirlib ki, görüşdə işğaldan azad edilən ərazilərdə fəaliyyət
göstərən biznes subyektlərinə verilən dövlət dəstəyi, o cümlədən
gömrük güzəştləri barədə məlumat verilib. Həmçinin gömrük
sistemində tətbiq edilən yeniliklər, gömrük-biznes əməkdaşlığının
gücləndirilməsi, sahibkar və vətəndaş məmnunluğunun artırılması
istiqamətində həyata keçirilən layihələrdən bəhs edilib.
Sonda biznes subyektlərinin təklif və rəyləri dinlənilib,
onların sualları cavablandırılıb.
