Filippin adaları üzərindən keçən daha bir tropik qasırğa bu gün ən azı dörd nəfərin həyatına son qoyub. Təxminən 433 mindən çox insan torpaq sürüşməsi və daşqın təhlükəsi olan kəndlərdən təxliyə edilib.
APA xəbər verir ki, bu barədə “Associated Press” məlumat yayıb.
Sakit okeandan ard-arda gələn fırtınalardan biri olan “Bualoi” Asiyanı təhdid edən sonuncu qasırğa olub. Ondan əvvəl isə son illərin ən güclü qasırğalarından sayılan “Raqasa” əsasən daşqınlara səbəb olaraq Filippinin şimalında və Tayvanda azı 25 nəfərin ölümünə gətirib çıxarmışdı.
