Bakı. Trend:
Azərbaycan tərəfindən həyata keçirilən bir sıra qarşılıqlı
əlaqəli layihələr regionun gələcək enerji mənzərəsinin formalaşması
üçün əsas olacaq.
Trend xəbər verir
ki, bunu ADA Universitetində keçirilən Birinci Azərbaycan-Britaniya
siyasi dialoqu çərçivəsində çıxış edən Azərbaycanın Energetika
nazirinin müavini Orxan Zeynalov bildirib.
“Əsas istiqamətlərdən biri Xəzər dənizi – Qara dəniz enerji
dəhlizidir. Bu dəhliz günəş enerjisi və Xəzərdə dəniz külək
enerjisi daxil olmaqla bir neçə texnologiyanı birləşdirəcək.
İnvestorlar artıq həyata keçirmə mexanizmlərini qiymətləndirir və
regionlar arasında qiymət fərqi sayəsində ilkin daxili gəlirlilik
göstəriciləri ümidverici görünür. Məqsədimiz 2032-ci ilə qədər üç
tamdəyərli əməliyyat xətti yaratmaqdır”, – deyə Zeynalov
vurğulayıb.
Azərbaycan – Mərkəzi Asiya enerji dəhlizindən danışarkən nazir
müavini bildirib ki, layihə artıq noyabr ayında texniki-iqtisadi
əsaslandırma mərhələsinə keçəcək.
“Şirkətlərin seçilməsi və montaj prosesi yekunlaşmaq üzrədir.
Qazaxıstan və Özbəkistandan olan tərəfdaşlarımızın da Xəzərə mümkün
tədarük həcmlərini müəyyənləşdirməsi vacibdir ki, uzunmüddətli
əməkdaşlıq modeli qurula bilsin”, – deyə o izah edib.
