Astara rayonunun Ərçivan qəsəbəsində suyun səviyyəsi 1 metrə olub.
APA-nın cənub bürosunun verdiyi xəbərə görə, ötən gecədən cənub bölgəsində başlayan intensiv yağışlar Astara rayonunun Ərçivan qəsəbəsində fəsadlar törədib. Qəsəbənin bəzi yerlərində suyun səviyyəsi 1 mətrə qədər qalxıb.
Əraziyə FHN-nin Cənub Regional Mərkəzinin xilasediciləri və DİN-in əməkdaşları cəlb olunub. Ərazidə qərargah yaradılıb. Görülən tədbirlər nəticəsində bu saata kimi evlərdən 33 nəfər təxliyə olunub. Təxliyə prossesinə 59 nəfər şəxsi heyət, 9 texnika və 1 qayıq cəlb olunub.
