Sumqayıtda avtobusun yanması nəticəsində xəsarət alan olmayıb.
Metbuat.az xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, “112” qaynar telefon xəttinə Sumqayıt şəhəri, 6-cı mikrorayon ərazisində avtobusda yanğın baş verməsi barədə məlumat daxil olub.
Məlumatla əlaqədar dərhal FHN-in Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri əraziyə cəlb olunub.
Yanğınsöndürənlərin tərəfindən “İSUZU” markalı avtobusda baş vermiş yanğın yaxınlıqdakı tikililərə keçməsinə imkan verilmədən qısa müddətdə söndürülüb.
Yanğın nəticəsində avtobusun yanar hissələri yanıb.
Xəsarət alan yoxdur.
12:05
Sumqayıt şəhərində marşrut avtobusu yanır.
Metbuat.az xəbər verir ki, hadisə şəhərin 13-cü mikrarayon ərazisində baş verib.
Şəhər ərazisində fəaliyyət göstərən 2 saylı müntəzəm marşrut xəttinə aid “İsuzu Citibus” markalı avtobus alışaraq yanıb. Yanğın nəticəsində avtobus tamamilə yararsız vəziyyətə düşüb.
Hadisə yerinə yanğınsöndürmə briqadası cəlb edilib.
