Bakı. Trend:
“Roma”nın baş məşqçisi Can Pyero Qasperini A Seriyada ayın ən
yaxşı məşqçisi mükafatına layiq görülüb.
Trend xəbər verir ki, oktyabr
ayında 67 yaşlı mütəxəssisin rəhbərliyi altında paytaxt klubu
İtaliya çempionatında 4 oyundan 3-də qalib gəlib, yalnız “İnter”ə
(0:1) uduzub.
Ayın ən yaxşı futbolçusu isə “Napoli”nin yarımmüdafiəçisi
Andre-Frank Zambo-Angissa seçilib. Kamerunlu futbolçu oktyabrda A
Seriyasında keçirdiyi 4 oyunda 3 qol vurub.
Zambo-Angissa bu ada uğrunda “Kremoneze”dən Federiko Bonatçoli,
“İnter”dən Hakan Çalhanoğlu, “Bolonya”dan Nikolo Kambyaqi,
“Kalyari”dən Elia Kaprile və “Milan”dan Rafael Leau kimi
futbolçuları qabaqlayıb.
