Bakı. Trend:
“Honda” şirkəti təkərlərin ayrılması riski səbəbindən ABŞ-də
təxminən 406 min 2016-2021-ci il istehsalı “Civic” modelini könüllü
geri çağırıb.
Trend xəbər verir
ki, bu barədə şirkətin rəsmi saytında press-relizdə məlumat
verilib.
Geri çağırılmanın səbəbi istehsal texnologiyasındakı pozulma
ehtimalıdır. Məhdud sayda alüminium ərintidən hazırlanmış təkər
disklərində (3 276 ədəd) qayka bərkidilən yerlərdə polad əlavələrin
olmaması mümkündür. Bu, oturacaq səthinin deformasiyası,
bərkidicilərin zəifləməsi və hərəkət zamanı təkərin ayrılması
riskini yaradır.
Avtomobil istehsalçısının nümayəndələri belə qüsurun
aşkarlandığı 412 hallı faktı açıqlayıblar.
