“Sergey Lavrov Rusiya xarici işlər naziri vəzifəsində fəal şəkildə fəaliyyətini davam etdirir”.
APA-nın Moskva bürosu xəbər verir ki, bunu Kremlin rəsmi nümayəndəsi Dmitri Peskov bildirib.
O, Qərb mediasının Lavrovun “işdən çıxarıldığı” barədə xəbərlərini təkzib edib.
“Bütün bu məlumatlar tamamilə yalandır. Onlara əhəmiyyət verməyin. Hər şey qaydasındadır. Müvafiq ictimai tədbirlər baş tutanda naziri görəcəksiniz”, – Kremlin sözçüsü vurğulayıb.
