Bakı. Trend:
Bu gün şahidi olduğumuz hadisə Azərbaycan xalqının əsrlər boyu
formalaşdırdığı milli adət-ənənələrinə uyğun olaraq, hətta milli
kimliyindən qaynaqlanan bir hadisə kimi dəyərləndirilməlidir.
Trend xəbər
verir ki, bu sözləri Dini Qurumlarla İş üzrə Dövlət Komitəsinin
sədri Ramin Məmmədov ABŞ-nin İsa Məsihin Sonuncu Gün Müqəddəsləri
Kilsəsinin Bakı ofisinin açılışında deyib.
Onun sözlərinə görə, Azərbaycan əsrlər boyu müxtəlif xalqların,
müxtəlif dini icma nümayəndələrinin birgə yaşadığı nadir ölkələrdən
biridir:
“Bu mərkəzin açılışı bir daha onu göstərir ki, Azərbaycan əsrlər
boyu formalaşdırdığı adət-ənənələri bu gün Prezident İlham Əliyevin
qürurverici siyasəti nəticəsində qorunur, yaşadılır və gələcək
nəsillərə ötürülür”.
