Türkiyə Suriya məsələsinə təkcə öz maraqları prizmasından baxmır.
APA-nın Türkiyə bürosu xəbər verir ki, bunu Türkiyə xarici işlər naziri Hakan Fidan deyib.
Nazir bildirib ki, Türkiyə Suriya məsələsində yalnız öz milli maraqlarını deyil, eyni zamanda Suriyanın mənafeyini, ərazi bütövlüyünü, xalqın rifahını və ümumilikdə regionda sülhün qorunmasını nəzərə alır.
Onun sözlərinə görə, Ankara bölgə ölkələrinin ümumi mənafeyini nəzərə alan və birgə hərəkəti önə çəkən xətt üzrə irəliləyir.
