Bakı. Trend:
Daha öncə qeyd etdiyimiz kimi, “Mançester Yunayted”in hücumçusu
Benyamin Şeşko 8 noyabrda Premyer Liqada “Tottenhem”lə (2:2) oyunun
60-cı dəqiqəsində meydana daxil olmuş, lakin 88-ci dəqiqədə zədə
səbəbindən meydanı tərk etmişdi.
Trend xəbər verir ki, dizində
problem olduğu bildirilən futbolçunun durumuna aydınlıq gəlib.
“Sky Sports”un yaydığı məlumatda bildirilir ki, Şeşko ciddi
xəsarətdən qaça bilib və maksimum bir ay kənarda qalacağı
gözlənilir.
