Bakı. Trend:
Yaponiyanın “Toyota Motor Corp.” şirkəti daha böyük, 10 milyard
dollarlıq beş illik planı çərçivəsində ABŞ-nin beş ştatında hibrid
avtomobillər və komponentlərin istehsalını artırmaq üçün 912 milyon
dollarlıq investisiyanın təfərrüatlarını açıqlayıb.
Trend-in
məlumatına görə, bu barədə “Toyota” şirkətinin açıqlamasında
bildirilib.
Bildirilib ki, təşəbbüs nəticəsində Qərbi Virciniya, Kentukki,
Missisipi, Tennessi və Missuridəki zavodlarda 250-dən çox iş yeri
açılacaq.
Ekspertlər qeyd edib ki, bu, vergi güzəştlərinin müddəti
bitdikdən sonra istehlakçıların elektrikli nəqliyyat vasitələrinin
yüksək qiymətlərindən narazı qalması səbəbindən hibridlərin yaxın
gələcəkdə ABŞ-də satışlarda üstünlük təşkil edəcəyini göstərir.
“Toyota” geniş yürüş məsafəsinə malik bu cür avtomobillərə olan
güclü tələbat sayəsində ABŞ-də yalnız “RAV4” kompakt krossoveri və “Camry” sedanının hibrid versiyalarını təklif edir.
